ڕۆژا دووشەمبی ڕێککەفتی (٢٠٢٣/٤/١٧) لیژنا پڕۆژێ (APPRAIS) ل زانکۆیا زاخۆ، خولەکا ڕاهێنانێ بۆ هژمارەکا ماموستا و سەرۆک پشک و بریاردەرێن پشکان ل زانکۆیا زاخۆ ڤەکر، ئەڤ خولە  ژ ڕێککەفتی (٢٠٢٣/٤/١٧) دەستپێکریە و دێ بەردەوام بیت هەتا ڕێککەفتی (٢٠٢٣/٥/١٤) هەر حەفتی دوو ڕۆژان دێ سمینارێن جورا و جور ل سەر بابەتێن  (بۆڵۆنیا پروسێس، دڵنیا جوری، پلان و ستراتیجیا و ناڤدەولەتیا زانکۆیێ) بۆ پێشڤەبرنا ئاستێ زانستی  و پتر خزمەتکرنا قوتابیان دێ هێنە پێشکێشکرن.

د ئەڤێ خولا ئەڤرو دا، سیمینارا دەستپێکێ ژلایێ بەڕێز (پ.هـ.د دلێر عادل جەمیل) ڕێڤەبەرێ دڵنیا جوری، لدور پڕۆژێ (APPRAIS) ب گشتی و سیمینارا دوویێ ژلایێ بەڕێز (پ.هـ.د. کاروان فەهمی سامی) هاریکارێ سەرۆکێ زانکۆیێ بۆ کاروبارێن قوتابیان، لدور ڕێنمایێن بۆڵۆنیا پرۆسێس  هاتنە پێشکێشکرن، دانوستاندن هاتنە کرن و بیروبوچوون هاتنە وەرگرتن بۆ پتر پێشڤەبرنا کاروبارێن پڕۆژەیی.

هەژیە بێژین: د ئەڤی پڕۆژەییدا هەشت زانکۆیێن هەرێما کوردستانێ و چەند زانکۆیێن ئەوروپی پشکدارن و هەر جار کۆمبوونێن گرنگ و جودا جودا ل هەرێما کوردستانێ و وەڵاتێن ئەوروپی دهێنە کرن. ئەڤ پڕۆژەیە چەندین بابەتان ب خوەڤە گرێددەت ژ وان، چاوانیا پێشخستنا بۆڵۆنیا ۆروسێس و دڵنیا جوری و پێشخستنا زانکۆیێن ھەرێما کوردستانێ، و ھەروەسا ئەو ئاریشەیێن ل زانکۆیێن ھەرێمێ و چاوا دێ شێین ب باشترین شێوە پێش ئێخین، و بھێزکرنا پەیوەندیان دگەل زانکۆیێن ژدەرڤە و ھەرێمێ.